Liebe Gott
Nor Du weisch wörom Du mer die schweri Ufgabe geh hesch zom träge. Mängisch gohts guet ond mengisch ben ich enorm truurig ond die Lascht dröckt mech enorm schwer.
I de letschte paar Tage wär mis 3. Sternli zwöi worde. I muess ganz vell a mini Sternli ond bsonders a mis 3. Sternli dänke. Wie gärn hätt ich Euch doch au alli gha. Wie gern hät ich Euch gärn ghebt, gschmöckt, Kössli geh ond gseiht wie lieb ich Euch ha.
Ständig frog ich meh wer, wie ehr gsi wered? Ond was er jetzt auch machet?
Ich bin einfach soo truurig.
Eigentlich han ich dänkt, dass de Schmerz echli verheilt sig sett mer doch no en Bueb öbercho händ. Ich han ihn sehr, sehr lieb aber ersetze chan er mehr mini andere 3 ned.
Es tut eifach immer weder weh!
Ich frog mech immer wieder wörum?
Wenn ich in Himmel luege suech i mini 3. Aber ich fend sie eifach ned.
Ich versuech mer denn immer vorzstelle, dass sie jetzt be mim Papi sind wo of se ufpasst. Ich hoffe, wönsche mer das ganz fescht dass er das mache cha ond se ned allei send. Oh wie gärn hätt ich auch gwösst mer min Papi gsi esch? "Hesch mech echt au gärn gha?
Ich ha leider gar kei Erinnerig a De well Du eifach vell z'früh gstorbe besch. Oh wie gern hät ich öppis öber de gwösst."
Mängisch dänk i, dass er und mini 3 Sternli of me, of Eus abluege und zuwenke. Ich wönschte mir das, aber öbs eso esch?
Liebe Gott säg doch mini Sternli ond mim Papi, dass ich se unendlich vermisse und ganz fescht truurig ben, dass ich seh nie persönlech ha chönne kennelehre. Dass ich seh ganz, ganz fescht lieb hat und nie vergässe werde.
Ich danke Der!
Doris